“Dolzarb 90 kunlik” doirasida sport va intellektual sohalar bo‘yicha tashkil etilgan “Havaskorlar ligasi” musobaqalari o‘z yakuniga yetdi.

Liga doirasida streetbol, voleybol, gandbol, yengil atletika, kiberport, shaxmat kabi sport turlari, shuningdek, “Zakovat” va “Quvnoqlar va zukkolar” kabi intellektual o‘yinlar bo‘yicha qizg‘in bellashuvlar o‘tkazildi.

Kecha bo‘lib o‘tgan tantanali taqdirlash marosimida g‘olib va sovrindorlar diplom hamda esdalik sovg‘alari bilan taqdirlandi.

Tadbirda tuman hokimi, tuman prokurori, tuman IIB boshlig‘i, Davlat soliq inspeksiyasi rahbari, Milliy gvardiya tuman bo‘limi boshlig‘i, Yoshlar ishlari agentligi tuman bo‘limi xodimlari hamda keng jamoatchilik ishtirok etdi.